復活節派對

第一次用iPad 黎寫卜， 唔知好唔好用？

知道有好多個月無寫卜， 我地威廉C一家真係由11月中開始一直忙到依家。

卜一直都好想寫返， 如果iPad 好用甘我去到邊都可以寫。 之前有試過用手提電話寫都相同文字好難

控制。所以都放棄左。 

就黎復活節， 所以我請左兩位朋友同埋佢地小朋友黎我家開party。 其實今次無準備好多野。 只是叫左中餐外買同買左個旦糕。 今次真係輕鬆。 

仲有好玩既Easter hunt. 連我都想玩埋一份

    人人有份

後花園

我地威廉C一家係今年年頭就決定想係今年要攪好個花園。前科係兩三年之前威廉C先生買左個唔知可以裝到幾多千公升水既地下水缸返黎埋藏左係個地度之後就成個後花園變左沙漠甘。原先既草地都比佢掘起哂。威廉C仲拍哂心口話花園既野包係佢身上。 點知我等了又等。。11月中都未見佢有任何舉動。所以我就用左秋天生日係屋企攪派對黎做籍口等威廉C先生快快動手係生日會之前攪掂佢。佢最錫個女。用秋天黎做魚餌就最岩。哈！！ 原先我正係諗住鋪下草就算。點知佢又話要整個沙池比個女。 秋天係好鐘意玩沙呀。一係唔整一整就整獲金既。原來比小朋友玩既白沙甘貴。 正係買沙都買左成千幾蚊港劇。油間玩具屋d油又千幾。叫人黎產平花園又二千幾。仲有d磚又千幾。。又新草皮3~4千幾。加埋d其他開支有好幾千。秋天生日會禮物加 派對又幾千。所以我原先想買個chanel 袋都夢碎了。甘我都認為用d錢黎整好住既地方係實際d. 整完個花園之後真係好舒服。秋天真係幸福。

威廉C先生生日

原來有三個月無update. 呢幾個月真係堅忙。仲有好似無論我訓幾多個鐘都好似唔夠訓。我真係好期待一月放假返香港。不過我諗一定會好忙仲忙過返公。甘岩今次一月底過年。因澳洲係2月頭開學所以如果今年唔返都唔知幾多年之後先再有機會係香港過新年。我諗我都有7年
無係香港過過新年。

威廉C先生同秋天都係同一個星期生日。一個9號另一個15號。 秋天個一個 生日派對係一個月之前開始籌備。因為實在太多野攪。等秋天生日會完左先再post一下點解要用一個月甘 誇張。

威廉C生日個日自己同公司請左一日假。佢過順便可以整下個後花園喎。因我近來真係太多野做。所以威廉C先生個日要自己去買我送比佢既生日禮物同生日旦糕。哈哈！！我放左工之後就出發去預先訂左既意大利餐廳再之後就去左食甜品。生日旦糕就留到返到屋企先吹蠟燭。

中秋晚會

 秋天讀個間中文學校係上個星期6攪左個中秋晚會, 總共有3間中文學校出席同表演,

 當晚地點係O係柏斯中華會館

 

秋天個日仲有份表演唱歌, 唱"我的好媽媽". 老師係兩個星期之前已經要我地D家

長同小朋友準備唐裝, 但秋天係上次5月返HK個件唐裝裙爆左線, 所以掉鬼左, 原先

諗住返到香港先買比秋天, 事出突然! 係呢度真係唔知買唔買到唐裝裙,　但原來呢度

都係唔難搵, 係我之前一直無留意, 買左一件粉紅色期袍比秋天

 

秋天個日穿件粉紅色期袍, 梳左個計, + 上一條珍珠頸練!!

變左做小芙蓉！！大愛！！！　　

 

 

到左場地, 個日有幾個小檔口買野, 有食同玩

我買左幾盒食鬼既野, 有花生粫米慈, 艼頭糕同素餃, 不過無一樣威尼C先生同秋天

鐘意食, 除左食之外我介買左一條魚比秋天, 今年中秋婆婆無記燈籠過黎,

甘買條絲帶魚比秋天頂住先

 

 

 

等左3個鐘同睇左好多表演先到秋天個組, 差唔多9點即秋天既訓教時間.

秋天一眼訓累起上黎唔係人甘品, 所以開頭都有D擔心個會發睥4唔肯唱,

點知上到台佢又OK喎, 仲唱得好開心, 真係一個幾好一個比秋天既演出幾會.

至於佢唱個首"我的好媽媽" 其實秋天只係唱個幾次, 佢唱得最似樣個句就係

"我的好媽媽" 但之後D歌詞佢都唔識, 不過我聽到佢唱個句都好SWEET

 

  

  

威廉C太太生日

生日個日我地去左飯堂食飯。過左一個好平靜既生日。結左婚之後我對生日再無興奮既感覺又唔想慶祝！！ 只會覺得點解又甘快大多一歲！！！！！ 可怕。。。。不過都係個句啦。。最緊要健健康康快快樂樂。。如果唔係活上一百歲都無用

去秋天學校做幫手

星期二個日請左一日暇去秋天學校做幫手。原意我係想睇下秋天上堂有冇成日發白日夢。個日同秋天返到學校我就留低係秋天課室。老師介紹比d同學知今日會有一位特別人物黎左呢個班房。於是老師要求秋天企出黎介紹我。點知當老師問到秋天要班同學點稱呼我既時候。佢好怕羞甘又好細聲甘講 “媽咪“。 哈哈！ 老師話d同學唔可以叫你媽咪 做媽咪喎。甘我之後就係秋天細細聲甘講左我個名。
攪掂左呢樣之後老師就同小朋友做英文字同數字練習。經過左一陣既觀察。秋天果然有時發下夢望來望去。但當老師叫佢名既時候佢又識答老師既問題。仲周不時舉手答問題。做完練習之後就係活動時間。老師個日分左4張台。每一張有4個小朋友。一係寫英文字同填顏色。個地個日學個k 同c字。二係練習寫1 ~ 20既數字。三係最受歡迎就係ipad 英文字母練習。而我就係個日負責呢個環節。四係做勞作。畫火山之後用吸管吹d橙色水彩做成熔岩。

每個環節大約用8 ~ 10分鐘就輪到下一張台。 d小朋友個個都好enjoy 又開心。我個一刻諗唔起我讀幼兒園個陣究竟做過d咩同上堂又學過d咩。但就好想知香港既小朋友係秋天既歲数係學緊d咩呢。唐詩300首？？個日逗留左2~3個鐘我就走啦。係走個陣有好幾位小朋友上前比左我一個擁抱之後仲同我講左句thank you. 真係好可愛！！！！！

小富婆

秋天其實係一位小富婆。細細個都已經有三間屋。請睇相！！

仲要呢d甘既玩具屋一d都唔平。用尺價計真係貴過香港豪宅。我小時候都唔知幾肯有一間。到生左秋天就買左3間比佢 (我知係我想滿足自己)。但佢最愛既竟然係用紙皮箱當玩具屋。一個紙皮箱就玩左一個晚上。秋天係房度拎哂自己既被同枕頭放入去跟住扮訓較。哈哈！係唔係有d熟口熟面。聽聞香港有個富婆都係甘。有成憶身家都係訓紙皮箱。