中秋晚會

 秋天讀個間中文學校係上個星期6攪左個中秋晚會, 總共有3間中文學校出席同表演,

 當晚地點係O係柏斯中華會館

 

秋天個日仲有份表演唱歌, 唱"我的好媽媽". 老師係兩個星期之前已經要我地D家

長同小朋友準備唐裝, 但秋天係上次5月返HK個件唐裝裙爆左線, 所以掉鬼左, 原先

諗住返到香港先買比秋天, 事出突然! 係呢度真係唔知買唔買到唐裝裙,　但原來呢度

都係唔難搵, 係我之前一直無留意, 買左一件粉紅色期袍比秋天

 

秋天個日穿件粉紅色期袍, 梳左個計, + 上一條珍珠頸練!!

變左做小芙蓉！！大愛！！！　　

 

 

到左場地, 個日有幾個小檔口買野, 有食同玩

我買左幾盒食鬼既野, 有花生粫米慈, 艼頭糕同素餃, 不過無一樣威尼C先生同秋天

鐘意食, 除左食之外我介買左一條魚比秋天, 今年中秋婆婆無記燈籠過黎,

甘買條絲帶魚比秋天頂住先

 

 

 

等左3個鐘同睇左好多表演先到秋天個組, 差唔多9點即秋天既訓教時間.

秋天一眼訓累起上黎唔係人甘品, 所以開頭都有D擔心個會發睥4唔肯唱,

點知上到台佢又OK喎, 仲唱得好開心, 真係一個幾好一個比秋天既演出幾會.

至於佢唱個首"我的好媽媽" 其實秋天只係唱個幾次, 佢唱得最似樣個句就係

"我的好媽媽" 但之後D歌詞佢都唔識, 不過我聽到佢唱個句都好SWEET

 

  

  

威廉C太太生日

生日個日我地去左飯堂食飯。過左一個好平靜既生日。結左婚之後我對生日再無興奮既感覺又唔想慶祝！！ 只會覺得點解又甘快大多一歲！！！！！ 可怕。。。。不過都係個句啦。。最緊要健健康康快快樂樂。。如果唔係活上一百歲都無用

去秋天學校做幫手

星期二個日請左一日暇去秋天學校做幫手。原意我係想睇下秋天上堂有冇成日發白日夢。個日同秋天返到學校我就留低係秋天課室。老師介紹比d同學知今日會有一位特別人物黎左呢個班房。於是老師要求秋天企出黎介紹我。點知當老師問到秋天要班同學點稱呼我既時候。佢好怕羞甘又好細聲甘講 “媽咪“。 哈哈！ 老師話d同學唔可以叫你媽咪 做媽咪喎。甘我之後就係秋天細細聲甘講左我個名。
攪掂左呢樣之後老師就同小朋友做英文字同數字練習。經過左一陣既觀察。秋天果然有時發下夢望來望去。但當老師叫佢名既時候佢又識答老師既問題。仲周不時舉手答問題。做完練習之後就係活動時間。老師個日分左4張台。每一張有4個小朋友。一係寫英文字同填顏色。個地個日學個k 同c字。二係練習寫1 ~ 20既數字。三係最受歡迎就係ipad 英文字母練習。而我就係個日負責呢個環節。四係做勞作。畫火山之後用吸管吹d橙色水彩做成熔岩。

每個環節大約用8 ~ 10分鐘就輪到下一張台。 d小朋友個個都好enjoy 又開心。我個一刻諗唔起我讀幼兒園個陣究竟做過d咩同上堂又學過d咩。但就好想知香港既小朋友係秋天既歲数係學緊d咩呢。唐詩300首？？個日逗留左2~3個鐘我就走啦。係走個陣有好幾位小朋友上前比左我一個擁抱之後仲同我講左句thank you. 真係好可愛！！！！！

小富婆

秋天其實係一位小富婆。細細個都已經有三間屋。請睇相！！

仲要呢d甘既玩具屋一d都唔平。用尺價計真係貴過香港豪宅。我小時候都唔知幾肯有一間。到生左秋天就買左3間比佢 (我知係我想滿足自己)。但佢最愛既竟然係用紙皮箱當玩具屋。一個紙皮箱就玩左一個晚上。秋天係房度拎哂自己既被同枕頭放入去跟住扮訓較。哈哈！係唔係有d熟口熟面。聽聞香港有個富婆都係甘。有成憶身家都係訓紙皮箱。

喪屍同鬼片熱

 

近來威廉C太太唔知CHI 左咩線, 成日睇埋D 喪屍同鬼片,

暫時睇左兩套電視劇同兩部電影

 

個兩套電視劇一套係講魔鬼 PARK AVENUE 666, 另一套係喪屍 THE WALKING DEAD.

其實PARK AVENUE 666 一D都唔恐怖, 結局仲有D求其, 不過內容都可以. 唔講甘多劇情, 但佢同一套台劇好似, 就係第8號當鋪. 都係講述同魔鬼做交易而失去性命.

 

 THE WALKING DEAD 依家有第三季, 我用左三個星期KO 左三季.....死未?!?!?!

有好多喪屍電影同電視劇都好鬼無聊, 但呢一套D劇情都有D睇頭, D 喪屍都好有睇頭.

D化妝師應該花左唔小時間同心機同D睇頭化妝

 

 

個兩部電就係 THE CONJURING 同 WORLDWAR Z

THE CONJURING 簡直係"驚典", 真係好嚇死! 唔講甘多, 係YAHOO 都係甘E介紹過, 但都想講多句, 就係好直得係戲院睇.

 

另一套電影就係WORLDWAR Z, 本來呢套係想去戲院睇, 好在因個日朋友有事去唔到,

之後想叫威廉C先生同我去睇, 點知佢個排成日唔得閒.

所以等到我屋企個TV PAD 有呢套戲, 我同威廉C先生係屋企睇.

 

睇完之後, 心諗! 好在無去戲院睇3D

套野都唔短, 但一D睇頭都無, 個D喪屍一D都唔恐怖, 似鬼上身多D!

真係有BRAD PITT 搭夠! 如果唔係又成為了一部無聊喪屍電影.

$2.99aus 一件

$2.99aus 一件即係大約hk$22 一件。超抵。我懷疑仲平過香港。Hello Kitty 同Peppa pig 個兩本野甘平係因為佢地係第一冊。之後原價個d係要$12.99aus 一本呀。 第一冊甘平甘緊係氹你落踏啦。不過我呢d c奶買左個第一冊
就唔會再買落去。Hello Kitty d迷理野又真係好可愛。仲每一冊都出一件迷理家具。我想應該唔小人會落踏。Peppa Pig 係教小朋友整cup cake 仲有埋cup cake 模同peppa pig 裝飾。

父親節

今年9月1日係澳洲父親節, 香港同澳洲父親節唔係同一日呀。我唔知邊個係定。

為左唔使同人迫所以我地就早一日出去食晚飯。又係去左飯堂 Hyatt 入面既cafe. 威廉c先生就鐘意係個道d燒牛肉。話時話個日個d燒牛肉粒真係唔錯。

  

 

 

 
 
 
 
 
 

秋天個日用左好多雪糕, 仲係返屋企途中係車度訓著埋. 仲同藍精靈一齊扣上安全帶, 可愛!!

  

搬遷

重要公告：Yahoo! Blog將於2013年10月30日進入唯讀模式，2013年12月26日關閉服務

經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。

得知YAHOO 個BLOG 執笠真係O 左咀, 之前個幾日知道左之後都有諗過放棄唔再寫卜, 真係又怕寫寫下又無得寫, 好無引!! 但呢幾日諗諗下, 我寫卜真係識左唔小朋友, 同秋天又有D朋友仔成日都黎卜睇佢, 所以今次我就用我既一點點堅持再做BLOGGER, 話哂都寫左YAHOO 卜都有4年幾, 真係大大話話都有3百幾編卜呀, 真係由未生秋天個陣到秋天依家都4歲幾啦, 我仲想寫秋天第時D細佬妹呀, 真係唔捨得唔寫埋落去, 起初諗住開個秋天FACEBOOK FANS PAGE, 之後有卜友話有好多人轉左BLOGSPOT, 上到黎BLOGSPOT又覺得D模式又幾似YAHOO 個一個喎, 仲有D似打緊個EMAIL甘, 等我快D用熟D, 上左手之後就可以通知其他卜友